Fondo Europeo de Desarrollo Regional (FEDER)

Unha maneira de facer Europa

Liña de actuación 14

PLAN TALENTO LALÍN

NECESIDADES

O ‘Plan Talento Lalín’ pretende abordar unha serie de actuacións que contribúan ao desenvolvemento, establecemento e permanencia (e potencial retorno) do talento endóxeno do concello de Lalín, contribuíndo así a paliar a problemática (compartida con toda a Galicia interior) do progresivo despoboamento do concello. Así, buscarase solucionar os seguintes problemas:

A segregación espacial e o risco de exclusión social.
A perda de peso dos activos locais.
O descenso demográfico.
O progresivo envellecemento de Lalín.
A emigración do talento lalinense.
O deterioro da imaxe de Lalín como lugar de implantación de empresas innovadoras.

OBXECTIVOS

O conxunto de actuacións desta operación pivotará en dous eixos principais:

Fomento do talento de Lalín: programa para a mocidade estudantil ou ao inicio dun proceso emprendedor que permita aos perfís seleccionados obter apoios adicionais para un óptimo desenvolvemento educativo no ámbito do emprendemento mediante actividades formativas e de asesoramento na materia, e mesmo achegamento a potenciais investidores.
Fortalecemento do talento de Lalín: programa de apoio durante os primeiros anos de actividade aos emprendedores locais en materia innovadora dentro dos sectores estratéxicos para o futuro local de Lalín. As iniciativas de apoio a desenvolver estarán dirixidas a actividades de formación e asesoramento para mellorar o talento endóxeno do autónomo/a ou empresa consolidada, e potenciar as súas posibilidades de comercialización. O asesoramento e a formación programados estarán especialmente enfocados, entre outros, dentro dos sectores estratéxicos a abordar, o relevo xeracional no sector primario e todo o que rodea á ‘silver economy’ ou economía dos coidados.

RESULTADOS

Identificación de emprendedores en Lalín.
Identificación de empresas emprendedoras e innovadoras en Lalín.
Xeración de cursos e pílulas formativas específicas para emprendedores e ‘start ups’.
Visualización do talento existente entre foros de investidores.